Frå Hernes til Clemet - frå plan til marknad? Ein analyse av Reform 94/Reform 97 og Kunnskapsløftet

Abstract

Tema for oppgåva er gjennomføringa av reformer i norsk grunnopplæring i perioden 1990-2005. I denne perioden vart heile utdanningssystemet frå barnehage til høgre utdanning reformert i eit omfang og i ei breidde som ein ikkje hadde sett sidan dei omfattande endringane av utdanningssystemet i attreisingsperioden etter andre verdskrigen. Under Gudmund Hernes som kyrkje-, utdannings- og forskingsminister 1990-1995 og Kristin Clemet som utdannings- og forskingsminister frå 2001 til 2005 opplevde utdanningssystemet både strukturreformer og styringsreformer, innhaldsreformer og personalreformer. Denne oppgåva analyserer reformene og organiseringa av sektoren primært med søkjelys på grunngjeving og struktur, styring og organisering.